Рөстәм Миңнеханов Камилә Вәлиеваны 2022 елгы Россия чемпионатында җиңүе белән котлады
(Казан, 27 декабрь, «Татар-информ»).Татарстан Президенты Рөстәм Миңнеханов фигуралы шуу остасы Камилә Вәлиеваны 2022 елгы Россия чемпионатында җиңүе белән котлады. Ул республика халкы талантлы якташы, осталыгы һәм максатчанлыгы белән горурлануын әйтте. Котлау адресының текстын ТР Президенты матбугат хезмәте бастырып чыгарды.
«Яшь булуыңа карамастан, син инде чын чемпион сыйфатларын күрсәтәсең: көчле көрәшче холкы, зур осталык, куәтле максатчанлык, — диелә Мәскәү спорт департаментының «Самбо-70» спорт һәм мәгариф үзәгенә җибәрелгән телеграммада. - Узган турнирда сиңа хаклы рәвештә җиңү китергән ышанычлы, виртуоз чыгышың алда сине көчле һәм уңышлы спорт карьерасы көтүендә шик калдырмый».
Татарстан Президенты үз исеменнән һәм барлык татарстанлылардан спортчыга сәламәтлек, бәхет, илһам, энергия һәм спортта да, тормышта да куелган барлык максатларга ирешүен теләде.