Әлмәттә чана бәйгесе булды
(Казан, 9 гыйнвар, «Татар-информ»). Әлмәттә «Кыш-2022» креатив чаналар фестивале узды, анда җиңелүчеләр булмады. Бу хакта «ЮВТ» хәбәр итә.
Фестивальдә катнашучылар теләсә кайсы материалдан, шул исәптән полипропилен торбалардан да креатив чаналар ясаган. Креативлыкта дүрт команда көч сынаша, аларның һәркайсы үз куллары белән ясаган чаналарын тәкъдим итте.
«Кояшлы Федор» командасы конкурста беренче тапкыр катнашты, башкаларны да күзәттеләр. 2023 елда тагын да ныграк шаккаттырырга сүз бирделәр. Әлегә аз гына вакыт эчендә төзелгән иҗат җимешен тәкъдим иттеләр.
Азнакай шәһәреннән килгән катнашучылар нефть качалкасы рәвешендәге чаналар булдырган, чөнки алар өчен ял һәм эш аерылмас тормыш рәвеше. Чана ун көн эчендә ясалган.
«Кыш-2022» конкурсы шартлары буенча чаналар үзенчәлекле итеп ясалудан тыш, аларны әле оригиналь итеп күрсәтергә дә кирәк. Катнашучы бер команда мини-спектакль уйнады, аның сценарие буенча круиз теплоходы пират судносына әверелә.