Вирусолог: Россиядә «омикрон» дулкыны берничә ай дәвам итәчәк
(Казан, 13 гыйнвар, «Татар-информ»). Вирусолог Чумаков 2-3 ай дәвамында омикрон-штаммның актив таралачагы турында кисәтте. «Омикрон» килүгә бәйле коронавирусның яңа дулкыны Россиядә берничә ай дәвам итәчәк, дип белдерде РФА әгъза-корреспонденты, В.А. Энгельгардт исемендәге молекуляр биология институтының күзәнәкләрне пролиферацияләү лабораториясе мөдире Петр Чумаков. «Дулкын 2-3 ай дәвамында барачак», — дип белдерде галим «Петербург көндәлеге» белән әңгәмәдә. Бу хакта РИА Новости хәбәр итә. Белгеч сүзләренә караганда, «Дельта» белән чагыштырганда, омикрон-штамм якынча биш тапкыр тизрәк тарала, бу Европада һәм АКШта авырулар буенча мәгълүматларга нигезләнгән математик модельләр белән раслана. «Мәскәү - Европаның иң зур шәһәре, туплану биредә бик зур, шуңа күрә авыру бик көчле булачак», - дип искәртте ул. Шулай ук Чумаков COVID-19ны грипп кебек сезонлы чиргә әвереләчәген әйтте. «Авырдым да оныттым. Һәм шулай ук бу коронавирус белән дә шулай булачак», – дип саный биолог.