Саба районы әдәби клубы шагыйрәләре «Аулак өй баттл» уенында җиңү яулады
![Саба районы әдәби клубы шагыйрәләре «Аулак өй баттл» уенында җиңү яулады](https://tatar-inform.tatar/attachments/d1467648564670738f83ba34fe17844efdf69e20/store/fill/780/440/0ecb0db946be060ad91b8a4757e39c141229bbd902593cd55194c81c8502/61ed2823c7c34_view_7853719_5598087.jpg)
(Саба, 24 гыйнвар, «Татар-информ», « Саба дулкыннары »). Саба район китапханәсе каршында эшләүче «Мишә дулкыннары» әдәби клубы шагыйрәләре Теләче районы мәдәният йортында узган «Аулак өй баттл» уенында катнашты. Таныштыру, кара-каршы такмаклар әйтешү, «Йөзек салыш» уены биремнәрен үтәүдә якташ шагыйрәләребез үзләрен сынатмады һәм Әтнә командасы белән көч сынашуда җиңү яулады. Уенда Илнур Ибраһимов, Зөлфия Зиннурова, Сөмбелә Ибраһимова, Вәсилә Галиева, Илмира Гыймаева, Гөлүсә Фатихова катнашты.