Самараның Яңа Мансур авылы халкы Ленинград камалышында булган якташларын искә алды
(Казан, 29 гыйнвар, «Татар-информ»). Ленинградны фашистлар камалышыннан тулысынча азат итү көнендә Самара өлкәсе Яңа Мансур авыл җирлеге хакимияте, мәдәният, мәктәп хезмәткәрләре һәм авыл җирлеге депутатлары блокадачы якташларын искә алды.
«Самара татарлары» сайтында хәбәр ителгәнчә, алар өлкәнең Похвистнево районы Яңа Мансур авылының Җиңү паркында якташлары истәлегенә чәчәкләр куйды һәм якташларын бер минут тынлык белән искә алды.