Мәгълүмат чаралары: Путин Федераль җыенга юлламаны март башында игълан итәчәк
(Казан, 8 февраль, «Татар-информ»). Россия Президенты Владимир Путин Федераль җыенга еллык юлламасын март башында игълан итәргә мөмкин.
Президент Аппаратындагы чыганакка сылтама белән «Ведомости» газетасы хәбәр иткәнчә, юлламаны игълан итүнең төгәл көне әлегә билгеләнмәгән.
Чыганаклар 1 һәм 3 мартта булырга мөмкинлеген хәбәр итә. Путинның юлламасы «АКШ Президенты Джон Байденның конгресска мөрәҗәгатенә кадәр булырга тиеш», дип яза басма. Юлламаны игълан итү көне турындагы сорауга җавап биреп, Россия Президенты матбугат секретаре Дмитрий Песков: «Вакытында хәбәр итәрбез», — диде.
Элегрәк Песков журналистларга, катлаулы эпидемиологик вазгыять сәбәпле, юлламаны игълан итү вакыты күчерелергә дә мөмкин булуын әйткән иде.
2021 елда Россия Президентының Федераль җыенга еллык юлламасы 21 апрельдә игълан ителде.