Татарстан фермерларының агроөлкә белгечләреннән бушлай киңәш алу мөмкинлеге бар
(Казан, 12 февраль, «Татар-информ»). Татарстан фермерларының агросәнәгать комплексы белгечләреннән бушлай киңәш алу мөмкинлеге бар. Бу хакта ТР Авыл хуҗалыгы һәм азык-төлек министрлыгының матбугат хезмәте хәбәр итә.
«“Фермерлык» экосистемасында «Агроконсультант» дигән бушлай сервис барлыкка килде. Аның ярдәмендә аграрийларның Россия дәүләт аграр университеты — К. А. Тимирязев исемендәге Мәскәү авыл хуҗалыгы академиясе укытучыларыннан квалификацияле киңәш алу мөмкинлеге бар», — дип искәрттеләр министрлыкта.
Фермерларны кызыксындырган сорауларга туфрак белеме, геология һәм ландшафт белеме; агрономия, биологик химия һәм радиология; үсемлекләрне саклау, яшелчәчелек, үсемлекчелек һәм болын экосистемалары, җиләк-җимеш үстерү, виноградчылык һәм шәраб ясау кафедраларында эшләүчеләр җавап бирәчәк.