Татарстанда тагын алты кеше коронавирустан үлгән
(Казан, 1 март, «Татар-информ»). Татарстанда коронавирус корбаннарының саны 1733 кешегә җитте.
Республикада тагын алты кеше коронавирустан вафат булган. Бу хакта Татарстан Сәламәтлек саклау министрлыгының матбугат хезмәте хәбәр итә.
Алар — 1940, 1962, 1972 елларда туган өч ир-ат һәм 1939, 1946, 1950 елларда туган өч хатын-кыз. Пандемия башланганнан бирле республикада барлыгы 1733 кеше инфекция корбаны булган.