Татарстан спортчысы Данил Садриев трамплиннан чаңгыда сикерүдә Россия чемпионы булды
(Казан, 23 март, «Татар-информ», Дамир Садриев). Татарстан спортчысы Данил Садриев трамплиннан чаңгыда сикерүдә Россия чемпионатында җиңү яулады.
Ярышның финал этабы Түбән Тагилда узды. Данил Садриев, 247,1 балл җыеп, 18 яшьлек көндәше Андреевны уздырды.
Трамплиннан чаңгыда сикерү. Россия Чемпионаты. Ирләр
Данил Садриев (Татарстан) — 247,1 балл.
Евгений Климов (Пермь крае) — 232,1 балл.
Роман Трофимов (Түбән Новгород өлкәсе) — 223,8 балл.
Искәртеп узабыз, Лениногорск егете Садриев Пекиндагы Олимпиадада катнаш командалар ярышларында көмеш медаль яулады. Шулай ук шәхси ярышларда россиялеләр арасында иң яхшысы булды.