Казанда кичә югалган 12 яшьлек малай табылган
Бүген Казанда югалган 12 яшьлек малайны тапканнар. Ул кичә урамга эте белән йөрергә чыгып киткән җиреннән югалган иде.
«Татар-информ»га үз чыганакларыннан билгеле булганча, малай шушы вакыт эчендә дустында булган.
Алдарак «Татар-информ» Казанда югалган баланы эзләүләре турында язган иде. Ул урамга эте белән йөрергә чыгып киткән була, әмма кире өйгә эте генә кайткан.