Татарстанда экология программасын финанслауны 8 миллиардка арттырдылар
Татарстан хөкүмәте әйләнә-тирә мохитне саклау буенча дәүләт программасына үзгәрешләр кертте. Аны финанслау 8 млрд сумга арттырылды.
Карар нигезендә, «2014 – 2022 елларда әйләнә-тирә мохитне саклау, Татарстанда табигый байлыкларны җитештерү һәм куллану» дәүләт программасына 24,4 млрд сум бүлеп биреләчәк. Документның элекке версиясендә программаны финанслауның гомуми күләме 16,3 млрд сум иде.
Дәүләт программасының беренче этабы 2014 – 2019 елларны үз эченә алган. Аны финанслау элеккечә – 8,05 млрд калган.
Икенче этапка бүленгән акча 8,2 миллиардтан 16,3 млрд сумга арткан.
2021 елда әлеге программага 1,4 млрд сум бүленергә тиеш булган. Хәзер бу сумма 3 млрд сумга кадәр арткан
2022 елда 4,7 млрд, 2023 һәм 2024 елларда 2,6 млрд сум тоту планлаштырыла.