«Китап» нәшрияты Башкортстан буйлап автойөреш үткәрә
Зәйнәб Биишева исемендәге «Китап» нәшрияты Башкорт мәдәнияте һәм рухи мирас елын Уфа – Күмертау – Стәрлебаш – Ишембай – Стәрлетамак автойөреше белән билгеләп үтәчәк.
Чара 26-28 апрельдә «Туган төбәкнең бөтен кыйммәте – безнең китапларда» дигән шигарь астында уза. Бу хакта «Башинформ» агентлыгы яза.
Дирекциядән хәбәр итүләренчә, 26 апрельдә Күмертауда яшәүчеләргә Башкортстан тарихы, мәдәнияте, табигате, республиканың күренекле кешеләренә багышланган яңа китаплар, шулай ук нәни укучылар өчен рәсемле басмалар, язучылар һәм шагыйрьләрнең әсәрләре, укыту-методик әдәбият һ.б. тәкъдим ителде.
27 апрельдә күргәзмә-сату «Юрматы» башкорт ыругы съезды кысаларында Стәрлебашта эшләячәк.
28 апрельдә Ишембай һәм Стәрлетамак шәһәрләрендә автойөреш үз эшен төгәлли.
«Китап» нәшриятыннан хәбәр итүләренчә, нәшрият китап продукциясен сату нокталарын киңәйткән: март-апрельдә басма продукцияне республиканың Әлшәй, Миякә һәм Чишмә районнарында сатып алып булачак, башка муниципалитетлар белән дә эш дәвам итә, диелә хәбәрдә.