Түбән Новгородта май аенда «Әкият» курчак театры гастрольләре була
Түбән Новгородның дәүләт академия курчак театры сәхнәсендә 12 майдан 15 майга кадәр «Әкият» Татар дәүләт курчак театры гастрольләре узачак. Бөтендөнья татар конгрессы шул турыда хәбәр итә.
Гастрольләр Россиядә 2022 елда игълан ителгән Россия халыкларының мәдәни мирас елын бәйрәм итү кысаларында оештырыла.
Тамашачылар спектакльләрне татар телендә карый алачак.
12 май көнне Түбән Новгородта яшәүчеләр өчен мюзикл жанрында иҗат ителгән «Кәҗә белән Сарык» әкиятен күрсәтелә. Спектакль 5 яшьтән зуррак тамашачыларга тәкъдим ителә.
Спектакль татар телендә үтәчәк. Татар телен белмәүчеләр өчен колакчыннар аша рус теленә синхрон тәрҗемә оештыру планлаштырыла, диелә хәбәрдә.