Татарстанда оча-бот буыннарына Россиядә җитештерелгән протезлар куела башлый
Татарстан травматологлары быелдан башлап оча-бот һәм тез буыннарын протезлауда үзебезнең илдә җитештерелгән җайланмаларны кулланачак.
Бүген Республика клиник хастаханәсендә ике операция уздырылачак. Бу хакта клиниканың матбугат хезмәте хәбәр итә.
Татарстан Идел буе федераль округында Россия протезларын кулланачак беренче төбәк булачак. "Бүгенгә кадәр Идел буе округында бары тик Америка һәм Швейцария буын протезлары кулланылган. Үзебезнең илдә җитештерүчеләр моңарчы эндопротезлар базарына чыга алмады", - ди Республика клиник хастаханәсе баш табибы урынбасары Михаил Бурмистров.
Татарстанда буын протезларына бүген өч меңләп Татарстан кешесе мохтаҗ.