Җәббаров: Авыл хуҗалыгы техникасының Россиядә ясала торган детальләре 2-3 тапкыр арзан
Татарстанда һәм төбәкләрдә сәнәгать предприятиеләрендә чит ил авыл хуҗалыгы техникасына детальләр ясала. Аларга бәяләр, чит ил аналогларына караганда, уртача 2-3 тапкырга түбән. Бу хакта ТР Премьер-министры урынбасары – авыл хуҗалыгы һәм азык-төлек министры Марат Җәббаров Хөкүмәт йортында брифингта әйтте.
Ул Авыл хуҗалыгы министрлыгы импортны алмаштыру белән актив шөгыльләнгәнен әйтте. Җәббаров сүзләренчә, елына 4,5 млрд сумлык запас частьлар кулланылганда, бу шактый зур экономия.
Марат Җәббаров сәнәгать предприятиеләре чит ил техникасына ике меңнән артык төрле детальләр ясаганын әйтте.