Яңа уку елына мәктәпләргә дроннар ясау өчен 3 меңнән артык комплекс таратылачак
Россия мәктәпләренә 1 сентябрьгә «Пионер мини» пилотсыз очу аппаратларын ясау һәм программалаштыру өчен 3 меңнән артык система таратыла. Бу хакта Россиянең Мәгариф министрлыгында хәбәр иттеләр, дип яза «Российская газета».
Укыту-методик комплексларын «Геоскан» Россия компаниясе эшләгән. Әсбаплар Россия Сәнәгать һәм сәүдә министрлыгы биргән субсидиягә ясалган.
Росиянең Сәнәгать һәм сәүдә министрлыгы башлыгы Денис Мантуров сүзләренә караганда, әлеге комплекслар мәктәп укучыларына программалаштыру, конструкцияләү һәм пилотлаштыру нигезләрен өйрәтергә ярдәм итәчәк. Шулай ук укучыларга робот техникасын һәм Җирне дистанцион рәвештә зондлаштырырга өйрәнү мөмкинлеге биреләчәк.