Ульяновск өлкәсенең Чынлы районы «Ак калфак» оешмасы рәисенең ире һәлак булган
Ульяновск өлкәсенең Чынлы районы «Ак калфак» татар хатын-кызлар оешмасы рәисе, район автономиясенең президиум әгъзасы Әлфия Ханәфиеваның ире Рәфик Ханәфиев фаҗигале вафат булган. Бу турыда Ульяновск өлкәсенең «Өмет» газетасы телеграм-каналында хәбәр итте.
«Әлфия Ханәфиеваның ире Рәфик Ханәфиев фаҗигале рәвештә вафат булуы сәбәпле, Әлфиянең, бала-оныкларының тирән кайгысын уртаклашабыз. Гаиләсенә сабырлык телибез, мәрхүмнең рухы шат, урыны җәннәттә булсын», диелә бу хәбәрдә.