Татарстан юлында җиңел машина һәм йөк автомобиле бәрелешкән, ике кеше зыян күргән
Кичә, 6 июнь көнне, Татарстанда кичке сәгать дүртенчеләрдә М7 трассасының Алабуга районы өлешендә юл-транспорт һәлакәте булды.
Шаһитлар сүзләренчә, биредә «Лада» һәм «КАМАЗ» машиналары бәрелешкән. Җиңел машина һәм йөк автомобиле Менделеевск – Яр Чаллы юл чишелешендә һәлакәткә очраган. Бәрелү шулкадәр көчле була, хәтта җиңел автомобиль кузовының алгы өлеше каерылган.
«Җиңел машинада ике ир-ат – йөртүче һәм пассажир зыян күргән. Бәрелүдән, икесенең дә башына зыян килгән, имгәнгәннәр. Ашыгыч медицина ярдәме хезмәткәрләре аларны хастаханәгә алып китте», – дип сөйләде юл-транспорт һәлакәте шаһитлары.