Венесуэлада маймыл чәчәге авыруының беренче очрагы теркәлгән
Венесуэла хакимияте маймыл чәчәге авыруын йоктыруның беренче очрагын теркәгән. Бу хакта илнең Сәламәтлек саклау министрлыгы хәбәр итте, авыру Испаниядән килгән ир-атта ачыкланган.
«Мадридтан килгән пациент Барселонада зарарланган ике кеше белән аралашкан булган», – дип хәбәр итә РИА Новости министрлык хәбәрен. Авыру изоляциягә урнаштырылган, аның хәле тотрыклы дип билгеләнә.
Мамыл чәчәге авыруын йоктырган кеше башкалардан 21 көнгә изоляцияләнергә тиеш. Бу хакта Роспотребнадзор документында маймыл чәчәк чире таралуны кисәтүгә юнәлдерелгән эпидемиягә каршы чаралар исәбендә әйтелә. Вирусның алга таба таралуын булдырмас өчен кулларны сабын белән юарга, антисептиклар кулланырга, өслекләрне дезинфекцияләргә һәм медицина учреждениеләрендә эпидемиягә каршы режим сакларга киңәш ителә.