Яшьләр эшләре министрлыгы: «Йолдызлык» бинасында янгын чормада чыгып түбәгә күчкән
«Созвездие-Йолдызлык» арт-резиденциясендә янгын чормада башланган, шуннан соң түбә яна башлаган. Бу хакта «Татар-информ» агентлыгына Татарстан Республикасы Яшьләр эшләре министрлыгы матбугат хезмәтендә хәбәр иттеләр.
Бинадан барлык кешене чыгарганнар, янгын сүндерүчеләр ут белән көрәшне дәвам итә.
«Урында шулай ук Премьер-министр урынбасары Ләйлә Фазлыева, Татарстанның гражданнар оборонасы эшләре һәм гадәттән тыш хәлләр буенча министры Рафис Хәбибуллин һәм Татарстанның яшьләр эшләре министрының беренче урынбасары Ринат Садыйков та бар», – дип өстәделәр министрлыкның матбугат хезмәтендә.
Элегрәк «Татар-информ» Казанда «Созвездие-Йолдызлык» арт-резиденциясе чормасында янгын чыгуын хәбәр иткән иде. Прокуратура тикшерү башлады.