Россия көнен бәйрәм итү уңаеннан бүген Казанда Олег Газманов бушлай концерт куя
Казан шәһәре мәдәният идарәсе башлыгы Азат Абзалов Россия көнен бәйрәм итү уңаеннан бүген Казан халкын Олег Газманов концертына чакырды.
«Россия көнен бәйрәм итүне дәвам итеп, бүген «Казан» гаилә үзәге янында Россиянең халык артисты Олег Газмановның концерты булачак. Чара 19:00 сәгатьтә башлана. Башта Казан филармониясе артистлары чыгыш ясаячак. Программа ахырында Олег Газманов җырлаячак. Барыгызны да бәйрәмгә чакырам», - диде Азат Абзалов ТР Хөкүмәт йортында узган брифингта.
Концертка керү түләүсез.