«Бүләк» лагеренда ял итүчеләр Актаныш районы авыллары буенча экспедициядә булды
«Бүләк» лагеренда ял итүчеләр Актаныш районы авыллары буенча экспедициядә булды. Бу хакта «Актаныш» газетасы яза.
Укучылар районның бай тарихлы Чишмә, Меңнәр, Аккүз, Михайловка, Иске Байсар, Чуракай, Татар Ямалысы һәм башка авылларда булып, табигать белән хозурландылар, чишмәләр ачтылар, мәдәният йорты, музейларда җирлек тарихы белән таныштылар.
Лагерьнең беренче сменасы тәмамланып килә. 18 июньдә Россиянең Оренбург, Мәскәү, Саратов, Төмән, Барнаул, Башкортстаннан килгән 35 укучы Актанышның саф татар мохите сулышын туплап, туган төбәкләренә таралачак, диелә хәбәрдә.