Третьяк: Татарлар, хоккейчылар кебек, бердәм булулары белән сокландыралар
Россия хоккей федерациясе президенты Владислав Третьяк Ульяновскида Федераль Сабантуйда алган тәэсирләре белән уртаклашты.
«Моннан ун ел элек беренче тапкыр Сабантуйда булдым, ул да Ульяновскида иде. Күп ишеткән булсам да, эчтәлеген белми идем. Бәйрәмне үз күзләрем белән күрдем. Татар халкы тарихын саклап калуыбыз - мөһим әйбер. Сабантуй барыбызны берләштерде», - диде «Татар-информ» хәбәрчесенә Владислав Третьяк.
Моннан тыш, танылган хоккейчы Татарстанда спортка зур игътибар бирелүен әйтте.
«Кешеләр монда спорт, музыка, дуслык һәм мәхәббәт белән берләшкән. Татарлар мине һәрвакыт бердәм һәм дисциплиналы булулары белән сокланды, алар хоккейчылар кебек. Хоккейда да яхшы уйныйлар, Гагарин Кубогын да оттылар. Татарстанда спортка зур игътибар бирәләр», - диде спортчы.
«Миңа, профессиональ спортчы буларак, Минтимер Шәймиев һәм Рөстәм Миңнехановның спортка игътибар һәм көч бирүләре ошый, - дип сөйләде ул.