Татарстанның Тәтеш районы прокуроры итеп Оксана Шуста билгеләнде
Россия Федерациясе Генераль прокуроры боерыгы белән Тәтеш районы прокуроры вазифасына юстициянең өлкән киңәшчесе Оксана Шуста билгеләнде, дип хәбәр итә ТР прокуроры ярдәмчесе Яна Невмержицкая.
Фото: © ТР Прокуратурасы
Бүген республика прокуроры Илдус Нәфыйков район прокуратурасы коллективына яңа җитәкчене тәкъдим итте.
Оксана Шуста Львовта туа. КДУның юридик факультетын тәмамлаган.
Күзәтчелек ведомствосында 1996 елда Казан шәһәренең Идел буе районы прокуратурасы тикшерүчесе вазифасында эшли башлый.
Соңгы биш елда Татарстанның Әгерҗе районы прокуроры вазифасын башкарган.
Тәтеш районының элеккеге прокуроры Илдар Гайнуллин хәзер Балтач районы прокуратурасын җитәкли.