Питрәч районында 70 га мәйданда балтырган чабылган
Питрәч районында балтырган белән көрәшү дәвам итә. Бүгенге көндә куркыныч һәм агулы үсемлек 67,5 га мәйданда чабылган. Бу хакта «Алга» газетасы сайтында хәбәр ителә.
«Шигалида - 50 га, Питрәчтә - 12 га, Кощакта — 2 га, Ленино-Кокушкинода - 3,5 га территориядә эшләр тәмамланган, хәзер балтырган үсә торган кечкенә участоклар чабыла», — дип хәбәр итте район хакимияте матбугат секретаре Ләйсән Мифтахова.
Питрәч районында территорияләрне зарарлы чүп үләненнән эшкәрткәндә химикат кулланылмый, чөнки биредә балтырган, нигездә, елга ярларында үсә.