Россиядә коронавирус таралу коэффициенты 1 февральдән соң иң югары күрсәткечне узган
Россиядә коронавирусның таралу коэффициенты 1,42гә - 1 февральдән соң иң югары күрсәткечкә җиткән. Бу хакта федераль оператив штаб мәгълүматларын анализлап ТАСС агентлыгы хәбәр итә.
Беренче тапкыр әлеге күрсәткеч алты көн элек бердән узып киткән һәм шуннан соң түбән төшмәгән. Төбәкләрдә иң түбән коэффициент Пермь краенда (0,99), шулай ук Воронеж өлкәсендә теркәлгән.
Ростов өлкәсендә (2,15 - пандемия башланганнан алып максималь күрсәткеч), Мәскәүдә (1,96) һәм Мәскәү өлкәсендә (1,63), киресенчә, антирекорд күзәтелә.
Коронавирус таралу коэффициенты арту инфекция йоктыручыларның күбәюе хакында сөйли. Белгечләр хәбәр иткәнчә, узган 14 көндә илдә коронавирус белән авыручылар ике тапкыр арткан.