Теләчедә Фәнил Галиевның иҗат иткән йортында «Истәлек тактасы» ачылды
Татарстанның атказанган юристы, юстиция киңәшчесе, прокуратура ветераны, СССР һәм Татарстан Язучылар берлеге әгъзасы, рәссам, якташыбыз Фәнил Галиевның соңгы елларда иҗат иткән йортында «Истәлек тактасы» ачу тантанасы булып узды. Исән булса, Фәнил Галиевка 83 яшь тулган булыр иде. Бу хакта «Теләче-информ» хәбәр итә.
Тантанада район башлыгы Нәҗип Хаҗипов, Татарстан Президенты администрациясе житәкчесенең беренче урынбасары, Татарстан Президентының Территорияләр белән эшләү идарәсе башлыгы Илнур Гарипов, Россия Федераль җыенының 8 нче чакырылыш Дәүләт Думасы депутаты Рөстәм Калимуллин, Фәнил Галиевның хезмәттәшләре, иҗатташлары, туганнары, районның оешма җитәкчеләре катнашты.