Лаеш районында бер ир-ат күлне аркылы йөзеп чыгарга уйлаган һәм батып үлгән
Кичә 20.06 сәгатьтә Татарстанның Лаеш районында Александровский бистәсендәге күлдә 2нче зона янгын-коткару отряды водолазлар төркеменең суда баткан ир-атны яр буена чыгаруы турында хәбәр килгән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.
Ачыкланганча, 49 яшьлек ир-ат су керергә киткән, күлне аркылы йөзеп чыгарга уйлаган һәм батып үлгән.