Түбән Новгород паркында Сабан туе була
13 августта Түбән Новгородның «Швейцария» паркында беренче тапкыр «Нижгар Сабан туе» узачак. Бу хакта Бөтендөнья татар конгрессының матбугат хезмәте хәбәр итә.
Чараны «Түбән Новгород өлкәсе татарлары төбәк милли-мәдәни автономиясе», Түбән Новгород татарларының «Нур» җирле милли-мәдәни автономиясе иҗтимагый оешмалары Түбән Новгород өлкәсе Хөкүмәте, Түбән Новгород хакимияте, Татарстан Республикасы Хөкүмәте һәм Халыклар бердәмлеге йорты ярдәмендә оештыра.
Сабан туеның бәйрәм программасында җитәкчеләр, иҗат коллективлары һәм башкаручылар, Түбән Новгород өлкәсе һәм Татарстан Республикасының милли-мәдәни берләшмә вәкилләре катнаша.