Түбән Камадан Тобольск шәһәренә самолет рейсы ачыла
Николай Лемаев исемендәге «Бигеш» халыкара аэропортыннан хәзер туры рейс белән Тобольск шәһәренә очарга мөмкин булачак.
Беренче рейс пәнҗешәмбе көнне, 11 августта була. Очышлар атна саен пәнҗешәмбе көнне Bombardier CRJ-200 самолетында «ЮВТ АЭРО» авиакомпаниясе тарафыннан башкарылачак. Бу турыда Түбән Кама муниципаль районы рәсми сайтында хәбәр ителә.
Самолет Түбән Камадан 10.15 сәгатьтә, ә Тобольскидан 9:20 сәгатьтә очып китә. Очыш вакыты 1 сәгать 55 минут була.