Путин Михаил Горбачёв гаиләсенең тирән кайгысын уртаклашты
Россия лидеры Владимир Путин кичә вафат булган СССРның беренче Президенты һәм КПСС Үзәк Комитетының соңгы генераль секретаре Михаил Горбачёвның якыннары һәм туганнарының кайгысын уртаклашты. Бу хакта Кремльнең матбугат хезмәте хәбәр итә.
«Михаил Горбачёв дөнья тарихының барышына гаять зур йогынты ясаган сәясәтче һәм дәүләт эшлеклесе иде. Ул илебезне катлаулы, драматик үзгәрешләр, масштаблы тышкы сәяси, икътисади һәм иҗтимагый сынаулар чорында җитәкләде», - диде Путин. Ул үзгәртеп коруларның кирәклеген аңлады һәм һәрвакытта да килеп туган проблемаларны хәл итүдә үз карарларын тәкъдим итәргә омтылды, дип өстәде Россия Президенты.
Дәүләт башлыгы шулай ук Горбачёв соңгы елларда алып барган гуманитар, хәйрия һәм агарту эшчәнлеген дә билгеләп үтте.
«Зур югалтуга бәйле рәвештә чын йөрәктән чыккан кайгы уртаклашу һәм теләктәшлек сүзләрен кабул итегез», - дип искәртте Президент.