Әлмәттә Нефтьчеләр көненең бәйрәм программасы билгеле
3 сентябрьдә Әлмәттә нефтьчеләр көнен билгеләп үтәчәкләр. Чаралар берничә мәйданчыкта узачак.
Ленин мәйданында концерт программасы булачак. 11.30 сәгатьтә әлмәтлеләр һәм шәһәр кунаклары өчен Евгений Дятлов, 11.50 сәгатьтә Гүзәл Уразова һәм Илдар Хәкимов, 19.00 сәгатьтә Илсөя Бәдретдинова һәм 20.00 сәгатьтә Фирдүс Тямаев һ.б. чыгыш ясаячак. Бу хакта «Әлмәт таңнары» сайтында хәбәр ителә.
«Каракүз» скверында «Татнефть» хәйрия фондының «Сандугач җырлый торган ил» фестивале лауреатларының концерт программасы булачак. 12.00 сәгатьтә «Фристайл» заманча бию студиясе, «Могҗизалар иле» вокал студиясе, Дыренковлар дуэты, «Вверх ногами» бию театры, Арпинэ Манукян чыгышы көтелә.
12.30 сәгатьтә «Мириданс» халык бию ансамбле, Айатерина Ипполитова, Айназ Галиев, Кәрим Мисбахов, «Забава» халык җыры ансамбле, Дарья Потемкина чыгыш ясаячак.
Шәһәр паркында 16.00 сәгатьтә концерт белән Илсаф, «Балбаян» дуэты, 17.00 сәгатьтә Рөстәм Асаев, Гүзәл һәм Владимир Еремеевлар, 18.00 сәгатьтә Гүзәл Җиһаншина, Муча Камалов, 19.00 сәгатьтә Зәйнәп Фәрхетдинова һәм Зөфәр Билалов чыгыш ясаячак.
Тулы программа белән монда танышып була. Нефтьчеләр мәйданында салют 22.00 сәгатьтә була.