Мөслимдә «Парклар һәм скверлар» программасы нигезендә памп-трек мәйданчыгы ачылды
Республика көне уңаеннан Мөслимдә спорт паркында памп-трек мәйданчыгы ачылды.
«Парклар һәм скверлар» программасы нигезендә спорт паркының быел икенче чираты төзелде. Быел анда памп-трек мәйданчыгы эшләнде. Бу турыда «Авыл утлары» сайтында хәбәр ителә.
Мәйданчыкны файдалануга тапшыру тантанасында район башлыгы Альберт Хуҗин, Татарстан буенча медицина-социаль экспертиза баш бюросы җитәкчесе Ригель Низамов катнашты.
Чаллы шәһәренең батут үзәге директоры Олег Москаев балаларга мастер-класс та күрсәтте.