Зәй районы мәдәният хезмәткәрләре балалар һәм әти-әниләр өчен ачык ишекләр көне үткзрде
Зәй районының Мирный мәдәният хезмәткәрләре балалар һәм әти-әниләргә ачык ишекләр көне үткәрде. Бу хакта «Зәй офыклары» газетасы яза.
Мәдәният йорты директоры Мария Гарәпшина 5 нче мәктәпнең I-IV сыйныф укучыларын һәм аларның әти-әниләрен уку елы башлану белән котлады. Түгәрәк җитәкчеләре яңа иҗади сезонда эшләячәк кызыклы клублар, дәресләр расписаниесе белән таныштырдылар, үз берләшмәләренең мастер-классларын күрсәттеләр.
Ачык ишекләр көненә килүчеләр төрле бәйгеләрдә һәм уеннарда катнашты. Чара ахырында мәдәният хезмәткәрләре балалар һәм аларның әти-әниләре өчен мәдәният йорты кабинетлары буенча экскурсия үткәрде, барысына да күңелле кәеф, сәламәтлек, иҗади уңышлар һәм яхшы укулар теләделәр, диелә хәбәрдә.