Татарстанда җиде ай эчендә нефть табу 4 процентка арткан
Татарстанның нефть компанияләре быелның гыйнвар-июль айларында узган елның шушы чоры белән чагыштырганда нефть табуны 4 процентка – 20,5 млн тоннага арттырган. Бу Татарстанстат мәгълүматларыннан күренә.
Шулай ук быелның беренче 7 аенда 538,2 млн куб. метр күләмендә нефть газы да табылган. Бу узган ел белән чагыштырганда 8,3 процентка күбрәк.
Алдарак хәбәр ителгәнчә, тулаем алганда Татарстанда файдалы казылмалар табу быелның беренче 7 аенда, 2021 елның шул ук чоры белән чагыштырганда 6,2 процентка арткан.