Рөстәм Миңнеханов: Татарстан Иран белән хезмәттәшлек турында кызыксына
Татарстанның Иран белән хезмәттәшлек итүгә зур кызыксынуы бар, диде Татарстан Президенты Рөстәм Миңнеханов Ислам Республикасының нефть министры урынбасары, Иранның Милли нефть химиясе компаниясе генераль директоры Мортеза Шах Мирзаи белән очрашуда.
«Татарстан Иран белән Россия-Иран мөнәсәбәтләрен ныгытуга юнәлдерелгән хезмәттәшлекне югары бәяли. Татарстанның да, Иранның да бай тарихи, икътисади һәм мәдәни элемтәләре бар, үзара хезмәттәшлекнең бай тәҗрибәсе тупланган», – дип яза Президентның матбугат хезмәте.
Россия һәм Иран сәүдә-икътисад өлкәсендә берничә уртак проектны тормышка ашыра, дип әйтте республика Президенты. Шулай ук июньдә Россия Президенты Владимир Путинның Тәһранга баруын, ә гыйнварда Иран Президенты Сейед Эрахим Рисиның Мәскәүгә килүен дә искәртте. Ике ил җитәкчелекнең сөйләшүе нәтиҗәсе мөнәсәбәтләрне үстерү һәм аларны яңа гамәли яссылыкка чыгару омтылышын раслый, дип ышана Рөстәм Миңнеханов.
Искәртеп үтик, 2007 елдан башлап Казанда Иранның генераль консуллыгы эшли. Татарстан һәм Иран хакимияте арасында Сәүдә хезмәттәшлеге турында меморандум төзелгән, төрле елларда Татарстан компанияләре Иранда проектлар тормышка ашырды.