Башкортстанның яшьләр театры Акмулла турында спектакль куя
Мостай Кәрим исемендәге Милли яшьләр театры башкорт шагыйре-мәгърифәтчесе, башкорт шигърияте классигы «Акмулла» спектакль әзерли. «Башинформ» шул турыда яза.
Спектакльнең премьерасы 14 декабрьгә – Башкорт теле көненә планлаштырылган.
Акмулла (1831 – 1895) мәгърифәтчелек идеяләрен тарата, поэзияне халык белән турыдан-туры аралашу чарасы буларак күрә. Аның Акмулла кушаматы «якты, гадел укытучы» дигәнне аңлата. Мифтахетдинның иҗаты ул чорның гуманистик идеяләре белән сугарылган, Россия иҗтимагый тормышының алдынгы карашларын үз эченә алган. Ул халык арасында мәхәббәт яулады һәм, күп төрки халыкларның әдәбият үсешенә файдалы йогынты ясады, диелә хәбәрдә.