ТР Прокуратурасы ятимне фатирлы итүгә иреште
Прокуратурага республиканың Теләче районыннан 19 яшьлек ятим мөрәҗәгать иткән. Кыз 2018 елда аны торак алу исемлегенә кертүләре турында сөйли. Ләкин ятимгә фатир бирмиләр һәм аңа туганнары белән яшәргә туры килә.
Татарстан Республикасы прокурорының өлкән ярдәмчесе Руслан Галиев «Татар-информ» га сөйләгәнчә, прокуратура судка ятимгә тиешле торакны бирүне таләп итеп, Татарстан Республикасы Мәгариф һәм фән министрлыгына дәгъва белән мөрәҗәгать итте. Дәгъва тулысынча канәгатьләндерелде - кызга Казанда «Салават күпере» торак-коммуналь комплексында фатир бирделәр.