«Авыл укытучысы» бәйгесендә Балык Бистәсе районының укытучысы беренче урын алды
Шушы көннәрдә Питрәч районының Шәле гомуми белем бирү мәктәбе базасында республикакүләм «Авыл укытучысы–2022» конкурсының финалы узды. Конкурсантлар арасында Балык Бистәсе районының Яңа Арыш урта мәктәбенең информатика укытучысы Руслан Набиуллин да бар иде. Бу хакта «Авыл офыклары» газетасы яза.
Укытучылар, финалда ачык дәресләр күрсәтеп, үз эшләренә йомгак ясап, аны анализладылар. Нәтиҗәдә, иң көчле авыл укытучылары арасында Набиуллин Руслан Дамир улы 1 нче урын яулады, диелә хәбәрдә.