Татарстанда юл илкүләм проекты буенча эшләрнең үтәлеше 85 процентка җитте
Татарстанда илкүләм проект буенча өч километрдан артык озынлыктагы Лаеш – Чирпы автомобиль юлы участогын ремонтлау тәмамланып килә. Гомумән республика буенча юл илкүләм проекты буенча эшләр 85 процентка үтәлгән.
«Юлчылар асфальт-бетон катнашмасыннан түбән катламны җәйгән, 20 мең кв. метрдан артык мәйданда вак таш-мастика асфальтбетоннан өске катлам җәелгән», - диделәр Татарстан Транспорт һәм юл хуҗалыгы министрлыгы матбугат хезмәтендә.
Моннан тыш, эшчеләр юл кырыйларын вак таш белән ныгытты һәм территорияне төзекләндерәләр. Эшләр Лаеш районында «Имин сыйфатлы юллар» илкүләм проекты буенча 8+225 һәм 11+275 км участогында бара.
Илкүләм проектлар Россиядә Президент Владимир Путин кушуы буенча 2019 елдан гамәлгә ашырыла.