Яңа Чишмә районының Чаллы Башы авылы мәдәният йорты «Театраль калейдаскоп» грантын алган
Яңа Чишмә районының Чаллы Башы авылы мәдәният йорты «Театраль калейдаскоп» грантына ия булган. Бу хакта «Яңа Чишмә хәбәрләре» газетасы яза.
«Быел Чаллы Башы авылы мәдәният йорты «Театраль калейдаскоп» грантын алу бәхетенә иреште», – дип хәбәр итә редакциягә авыл мәдәният йорты мөдире Илсөяр Дәүләтшина.
Бу юнәлешнең төп максаты «Өмет» балалар театраль коллективы белән район буенча гастрольләргә чыгып, балалар һәм яшүсмерләр арасында театр сәнгатен үстерү, туган телгә мәхәббәт уяту тора.
««Өмет» театр коллективының чыгышын район мәдәният йортында, районыбыз авылларында яратып каршы алдылар. Шулай ук Чистай районы Каргалы авылында да бик җылы кабул иттеләр. Киләчәктә Чирмешән, Аксубай районы авылларына, Чистай шәһәренә гастрольләргә чыгарга ниятлибез», – дип сөйләде мәдәният йорты мөдире.