Рөстәм Миңнеханов Владимир Сунгоркинның үлеменә бәйле кайгы уртаклашты
Татарстан Президенты Рөстәм Миңнеханов «Комсомольская правда» ның баш мөхәррире Владимир Сунгоркинның үлеменә бәйле кайгы уртаклашу белдерде. Телеграмма баш мөхәррирнең урынбасары Олеся Носовага җибәрелгән.
Татарстан Республикасы җитәкчесе сүзләренчә, Сунгоркин вакытында «Комсомолка» «чәчәк атты», басманың «күпьеллык яшьлеге һәм популярлыгы» аның исеме белән бәйле булуын билгеләп үтте.
«Сезнең редакциягез, бөтен илебез журналистикасы зур югалту кичерде — Владимир Николаевич чын шәхес , талантлы публицист һәм оста җитәкче, берничә буын журналистлар өчен акыллы укытучы һәм остаз булды», — диде Татарстан Президенты.
Республика «Комсомольская правда»ның баш мөхәррирен Татарстан тормышына битараф булмаганы, шулай ук актив гражданлык позициясе өчен югары бәяләде, дип өстәде ул.
Ахырда Рөстәм Миңнеханов мәрхүмнең туганнарына һәм якыннарына кайгы уртаклашуны белдерүне сорады.
Искәртик, кичә Владимир Сунгоркинның вафаты турында билгеле булды. Бу уңайдан Россия Президенты Владимир Путин кайгы уртаклашты.