Татарстан Президентына Тәбриздә КАМАЗ машиналарын җыя торган заводны күрсәттеләр
Татарстан Президенты Рөстәм Миңнеханов Тәбриздә Rakhsh Khodro Diesel йөк автомобильләре җитештерү заводында булды. Әлеге завод – 2005 елда оешканнан бирле «КамАЗ»ның стратегик партнеры.
Рөстәм Миңнеханов җыю цехын карады һәм компания җитәкчелеге белән очрашты. Ул Darus Group Татарстанның күптәнге һәм ышанычлы партнеры булып торуына игътибар итте, дип хәбәр итә ТР Президенты матбугат хезмәте.
«Килеп туган ситуациядә без КАМАЗ компаниясе белән уртак проектлар эшләргә омтылабыз. Санкцияләр шартларында без бер – беребезгә ярдәм итә алабыз», - диде Холдинг җитәкчесе Мөхәммәт Реза Зонузи Мотлаг.
«Камаз белән уртак проектны уңышлы гамәлгә ашыруга чын күңелдән ышанабыз», - диде Президент.