Татарстанда юл кырыена төшеп киткән автомобильнең пассажиры үлгән, йөртүчесе качкан
Бүген республиканың Әлмәт районында Кителга бистәсе янында иртәнге сәгать дүрттә юл-транспорт һәлакәте булган. Бу хакта «Татар-информ»га фаҗига шаһитлары хәбәр итә.
«Лада» автомобиле зур тизлек белән юл кырыена төшеп киткән һәм әйләнеп капланган. Шаһитлар сүзләренчә, машинаның йөртүчесе авария урыныннан качып киткән.
«Автомобильнең пассажиры алган имгәнүләрдән урында ук үлгән. Аңа карап торышка 30-40 яшь тирәсе», - дип сөйләде шаһитлар.