Төмәндә «Чинги-Тура» музей-агарту үзәге барлыкка киләчәк
Төмәндә «Чинги-Тура» музей-агарту үзәге барлыкка киләчәк. Урта гасырлар чорында Төмән елгасы ярында Төмән ханлыгы башкаласы Чинги-Тура урнашкан була. Булачак музей да әлеге тарихи шәһәр исеме белән аталачак, дип хәбәр итте Бөтендөнья татар конгрессы.
Төмән өлкәсенә эш сәфәре вакытында Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев булачак «Чинги-Тура» музееның бинасы белән танышты.
Бүгенге көндә Төмәндәге милләттәшләребез борынгы шәһәрдә яшәгән татарларның мәдәни мирас объектларын торгызу буенча эш алып баралар, диелә хәбәрдә.