Танылган журналист Владимир Жигульский вафат
Чаллыда 72 яшендә танылган журналист, Татарстан Журналистлар берлеге әгъзасы Владимир Жигульский вафат булды. Бу хакта автокаланың җәмәгатьчелек белән элемтәләр бүлегендә хәбәр иттеләр.
Жигульский журналистлык карьерасын «Рабочий КамАЗ» (хәзер — «Вести КАМАЗ») газетасында башлый, баш мөхәррир урынбасары булып эшли.
Аннары ун ел дәвамында «Республика Татарстан» газетасының үз хәбәрчесе булып эшли. Ул «ТАССР төзелүгә 100 ел» истәлекле медале белән бүләкләнгән.