Ялларда Башкортстанда карлы яңгыр көтелә
Ялларда Башкортстанда тотрыксыз һава торышы көтелү сәбәпле, Гадәттән тыш хәлләр хезмәте йөртүчеләргә сак булырга киңәш итә.
Башкорстан Гидрометеорология һәм әйләнә-тирә мохитне күзәтү үзәге бераз яңгыр, ә төнлә карлы яңгыр вәгъдә итә. Урыны белән томан төшәргә мөмкин, күз күреме 500 метр булачак. Бу хакта «Башинформ» хәбәр итә.
«Мондый һава торышы булганда, юлларда куркыныч маневрлар ясау һәм кинәт тормозлау киңәш ителми. Имин тизлек һәм дистанция сакларга кирәк. Башкортстан юл хуҗалыгы идарәсенең тәүлек буе эшли торган диспетчер номерын саклап куегыз: 8-927-955-11-00», — дип киңәш иттеләр республика Транспорт һәм юл хуҗалыгы министрлыгында.