Камияр Байтимеров: Үз крестьян-фермерлык хуҗалыгыңны кемгәдер тапшыру - катлаулы эш
Татарстан Фермерлар һәм крестьян хуҗалыклары ассоциациясе вәкилләре мобилизацияләү вакытында КФХ җитәкчеләре өчен бизнесны башка берәүгә күчереп тору мөмкинлеге туры килми дип саныйлар. Мондый фикерне берләшмә президенты Камияр Байтемиров мобилизацияләнгән эшмәкәрләр өчен тәкъдим ителгән закон проектын шәрехләп әйтте, аны киләсе атнада кабул итү планлаштырыла.
«Фермер хуҗалыклары эшмәкәрлек эшчәнлегенә карый. Алар гаилә тибындагы. Кемгәдер тапшыру мөмкинлеге булу турында әйтелсә дә, моны эшләү проблемалы. Крестьян-фермерлык хуҗалыгы өчен бу җимерелү булачак», - дип саный Байтемиров.
Бүген өлешчә мобилизация кысаларында хәрби хезмәткә чакырылучылар бер үк вакытта эшмәкрлек эшчәнлеген алып барырга хокуклы түгел. Закон проектын эшләүчеләрнең берсе, Татарстаннан Дәүләт Думасында депутат Максим Топилин сүзләренчә, яңа закон буенча, чакырылган эшмәкәр кирәкле юридик гамәлләрне башкарсын өчен 5 эш көне кадәр срок бирү карала, монда контрактлар төзү ышаныч кәгазе рәсмиләштерү, документларны имзалау, салым хисабын бирү һәм хәтта бизнесны кемгәдер тапшыру керә.
«Әгәр дә кеше алга таба бу эшчәнлекне алып бара алмавын аңлый икән, ул аны теләсә кемгә ышанып тапшыра ала. Бу бурыч түгел, ә хокук. Предприятиене кемгәдер ышанып тапшырырга, ябарга яки бизнестан чыгарга мөмкин», - диде Топилин.
Байтимеров сүзләренчә, крестьяннар һәрвакыт дәүләт терәге булды. «Татарстан фермерлары тулаем авыл хуҗалыгы продукциясенең 51,3 процентыннан күбрәген җитештерә», – дип искәртте ул.