Татарстанда авариядә җимерелгән машина йөртүчесе имгәнгән
Кичә кич Татарстанның Лениногорск районы Чайковский урамында юл-транспорт һәлакәте булган. Анда 14нче модельле «Лада» һәм Mitsubishi автомобиле бәрелешкән.
Каты бәрелешүдән соң, икенче автомобильнең алгы өлешенә нык зыян килгән, ә «Лада» автомобиле икегә бөгелгән. Бу хакта «Татар-информ»га юл-транспорт һәлакәте шаһитлары хәбәр итте.
Һәлакәттә «Лада» йөртүчесе зыян күргән. Аны ашыгыч ярдәм машинасында якындагы хастаханәгә алып киткәннәр.