Татарстанда урыны белән томан төшәргә мөмкин
Бүген, 29 октябрьдә, иртән һәм көннең беренче яртысында Татарстанда, шулай ук Казанда томан төшәргә мөмкин. Бу хакта Татарстан Гидрометеорология һәм әйләнә-тирә мохитне күзәтү үзәге хәбәр итә.
Синоптиклар кичә сөйләгәнчә, шимбә көнне республикада болытлы һава торышы, яңгыр һәм җепшек кар көтелә. Ә төнлә һәм иртән юлларда бозлавык хасил булырга мөмкин.
Хәзерге вакытта Татарстанда һава температурасы +0,1..+2 градус, ә Казанда +1,2..+1,7 градус күрсәтә.